Protocolo Covid e Actividades Extraescolares Curso 2020-2021

Tendo presente o último “Protocolo de Adaptación ao contexto da COVID-19 nos Centros de Ensino non universitario de Galicia para o curso 2020-2021” do 31 de agosto, a directiva desta Asociación de nais e país do CPI Cruz do Sar de Bergondo temos moitas dúbidas sobre cómo afectan ditas directrices á organización e xestión eficaz das actividades extraescolares.

A Consellería de Educación non contou coas ANPAS na elaboración do protocolo e non resulta claro respecto ás pautas e á organización das actividades extraescolares. 

Acordamos acatar dito protocolo da forma más restrictiva e literal, pola responsablidade que implica e que non podemos asumir como simples voluntarias dunha asociación de familias. Tememos que impedirá organizar moitas das actividades dado que será moi difícil respetar os denominados “grupos burbulla” nas extraescolares.

Ao tempo, cumpriremos coas indicacións que se desenvolverán en horario escolar, e que con tanto esforzo foron evaluadas por parte do equipo directivo, o profesorado e o concello.

A día de hoxe non temos instruccións por parte da Consellería, pero existen pautas de obrigado cumprimento:

.- manter os grupos de convivencia por aula (grupo 10 al.)

.- manter distancias interpersoais

.- hixiene de mans e entorno próximo

.- mascarillas

.- grupos con limitación de contactos en monitorado

.- non se permitirá acceder ás familias ao recinto escolar

.- a oficina da APA estará pechada ao público polas tardes, priorizaremos teléfono e correo electrónico

.- informaremos, polo miudo, do Plan de Actuación que implantaremos neste curso, unha vez o teñamos visado no Colexio, horarios, actividades, etc..

 

Co inicio de curso solicitaremos inscripción nas actividades, véndonos obrigados a facer selección por grupos de 10, respetando os grupos de convivencia escolar e adaptarémonos aos espazos dispoñibles e que cumplan cos requisitos do Protocolo.

Parécenos moi inxusto que non poidan conciliar todas as familias que necesiten esas actividades polas tardes, pero debemos priorizar a saúde na comunidade educativa do CPI Cruz do Sar. Modificaremos actuacións durante o curso seguindo coa evolución sanitaria e iremos  publicando as novas que se vaian producindo no blogue e nas nosas redes respecto ao Plan de Actuación que seguiremos neste curso coas actividades extraescolares.

Agardamos confiedes no meticuloso traballo que se está a desenvolver.

Xunta Directiva APA AS MARIÑAS

 

ENTREGA BANCO DE LIBROS 2020-2021

 Información sobre a entrega de libros do Banco da Apa:

.- Venres 4 setembro: recollida de libros de Educación Primaria en horario de 12:00 a 13:00 h. (con cita previa). 

.- Martes 8 setembro: recollida de libros de ESO en horario de 12:00 a 13:00 h. (con cita previa).

BANCO DE LIBROS CURSO 2020-2021

A APA “As Mariñas” vai continuar este curso 2020-2021 co BANCO SOLIDARIO DE LIBROS DE TEXTO.

Este Banco ten como obxectivo crear un fondo de libros de todos os cursos e asignaturas. Os libros deberán ter vixencia no curso 2020-2021 no CPI Cruz do Sar e estar en bo estado. Todo o alumnado e as súas familias pode participar entregando libros de texto de calquera curso, excepto 1º e 2º de Educación Primaria.

Os libros entregaranse ao Banco de xeito gratuito e definitivo, sendo a APA quen xestionará a recepción, custodia e adjudicación posterior dos mesmos.

Para ser beneficiario do Banco solidario de libros de texto é necesario cumprir os seguintes REQUISITOS:

• Ser socio/a da APA
• Ser doante de libros.

Este curso 2020-21 non disporemos de libros para 3º e 5º de Primaria.

As solicitudes faranse única y exclusivamente vía online para cumprir coas medidas hixiénicosanitarias impostas pola crisis do COVID-19.

Acceso ao formulario de solicitude nesta ligazón.

En caso de ser varios irmáns, é necesario cubrir unha solicitude por alumno/a.

DEVOLUCIÓN LIBROS DE TEXTO CURSO 2019-2020

Instrucións que deben seguir as familias para proceder a devolución dos libros de texto do curso 2019-2020:

• Os libros procedentes do fondo solidario da Xunta e do Concello de Bergondo serán entregados no CPI Cruz do Sar nas quendas establecidas.
• Os libros procedentes do Banco de Libros da Apa “As Mariñas”, serán devoltos nas mesmas datas na oficina da Apa.
• O alumnado da ESO que non supere algunha materia na convocatoria de xuño, non devolverá os libros ata setembro.

❌ QUENDAS DEVOLUCIÓN LIBROS PRIMARIA ❌

❌ QUENDAS DEVOLUCIÓN LIBROS SECUNDARIA ❌

❌ DATAS PARA A RECOLLIDA DE CHEQUES ❌

Toda a información na web do CPI Cruz do Sar

ADMISIÓN NOVO ALUMNADO 2020/2021

❌ ADMISIÓN NOVO ALUMNADO 2020/2021 ❌

🛎 A partir do próximo luns, vólvese abrir o prazo para a presentación das solicitudes de admisión de novo alumnado.

📆 PRAZO: 11 maio - 18 maio

RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop),do 5 de maio de 2020: páx. 19132 deste documento.

📌 PRESENTACIÓN DE SOLICITUDES:

Vía sede electrónica da Xunta neste enlace.

Remitindo o formulario (pdf ou jpg) ao enderezo electrónico do centro (só para Educación Primaria e ESO): cpi.cruz.sar@edu.xunta.gal

Toda a información na páxina web do CPI Cruz do Sar AQUÍ

Enquisa ás familias sobre a educación non presencial durante a crise do coronavirus

CONFAPA GALICIA (Confederación galega de asociacións de nais e pais de alumnos de centros públicos) creou unha enquisa para coñecer a opinión das familias sobre a educación no presencial despois de que colexios e institutos pechasen as súas portas polo estado de alarma tras a propagación do COVID-19.


Só precisamos dous minutos do teu tempo para esta enquisa telemática á que se pode acceder na seguinte ligazón: ENQUISA CONFAPA.

AGRADECERÍAMOS A COLABORACIÓN DAS NOSAS SOCIAS E SOCIOS DA APA "AS MARIÑAS".

GRAZAS!

Axudas ás familas do alumnado beneficiario de bolsas de comedor escolar

ℹ️ Orde onde se establecen as bases reguladoras das AXUDAS de carácter directo ás familias do ALUMNADO BENEFICIARIO DE BOLSAS DE COMEDOR ESCOLAR nos centros públicos non universitarios xestionados pola Consellería de Educación, durante a situación de suspensión do servizo de comedor como consecuencia do COVID-19.

🔔 “Determínase que o prezo máximo a satisfacer en concepto de compensación por materias primas é de dous euros e cincuenta céntimos (2,50 €) no casos de gratuidade total e de un euro e cincuenta céntimos (1,50 €) nos casos de gratuidade que teñen a obriga de satisfacer un euro (1 €) pola prestación do servizo.”

🔔 “Esta orde compensará os días lectivos correspondentes aos primeiros 14 días naturais de suspensión acordados polo Consello da Xunta, que para os efectos educativos comezaron o día 16 de marzo e que totalizan 9 días lectivos [...] compútase un total de 28 días lectivos para os efectos de cuantificar o importe global dos créditos orzamentarios precisos para atender as compensacións.”

🔔 “As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Xunta de Galicia: https://sede.xunta.gal “

🔔 “Establécese un PRAZO especial DE PRESENTACIÓN DE SOLICITUDES para atender o pagamento das compensacións que comezará ao día seguinte ao da súa publicación no Diario Oficial de Galicia e REMATARÁ O 6 DE ABRIL, ambos os dous incluídos.”

Ligazón a orde AQUÍ

Folleto informativo nesta ligazón

ACTIVIDADES EXTRAESCOLARES DURANTE A CRISE DO COVID-19

Estimados socios e socias,

Informámosvos que debido á crise que estamos a vivir a nivel global, intentamos reorganizar as actividades extraescolares para adaptarnos a esta nova situación pero resulta inviable, por múltiples motivos para o conxunto do alumnado, acceder a clases on line durante este periodo. Por esta causa quedan totalmente suspensas ata que se reinicien as clases no CPI Cruz do Sar.

Por outro lado, informamos que non se devolverá o importe das actividades do mes de marzo xa aboadas, senón que se descontará medio mes do próximo no que teñamos actividade.

Quedamos á vosa disposición para resolver calquera dúbida ou incidencia.

Coidádevos moito!

Material para o alumnado do CPI Cruz do Sar durante a corentena

Incluimos nesta publicación a información que trasladou o centro ás familias, por se houbera algunha que non a recibira.

Queremos darvos moitos ánimos, especialmente aos vosos fillos e fillas que teñen que vivir á súa idade unha situación que nunca antes ningún de nós pasara. 

Sairemos desta e sairemos tendo a xeración de xente moza máis solidaria da nosa historia. 

Forza, ánimo e coidádevos moito ❤️ 

COMUNICADO ÁS FAMILIAS DO CPI CRUZ DO SAR:
En resposta as moitas consultas das nais, pais, titores legais dos alumnos e dos propios alumnos consideramos pertinente dar uns consellos e información de carácter xeral: Consello: manter a actividade académica na medida do posible repartindo os tempos entre as materias segundo a carga horaria.

Información xeral:
Indicar que na reincorporación ao centro non se farán de xeito inmediato (primeira semana) probas de avaliación, aínda que quedasen pendentes antes da suspensión das clases. -que as instrucións para que os alumnos continúen a súa formación ou reforcen o aprendido se incorporarán por materias nas plataformas habituais na rede de Internet (aula virtual, blogs e correo electrónico).

EDUCACIÓN PRIMARIA
O alumnado de Primaria xa pode continuar coa formacion na casa dende a paxina web do CRUZ DO SAR http://www.edu.xunta.gal/centros/cpicruzsar/

EDUCACIÓN SECUNDARIAAula virtual:
http://www.edu.xunta.gal/centros/cpicruzsar/aulavirtual2/
Web do centro:
http://www.edu.xunta.gal/centros/cpicruzsar/

PROXECTO #QUEDAMOSNACASA (para Educación Primaria)

Páxina creada para dar resposta ás necesidades xurdidas pola situación de emerxencia na que estamos actualmente como consecuencia do COVID-19.
Inclúe diferentes recursos e ligazóns tanto ao traballo que o claustro pon á disposición das familias coma outros recursos que poidan ser de interese.
https://www.edu.xunta.gal/centros/cpicruzsar/aulavirtual2/course/view.php?id=198

Suspensión das actividades lectivas polo COVID-19

COMUNICADO OFICIAL DO CPI CRUZ DO SAR:

SUSPENSIÓN DAS "ACTIVIDADES LECTIVAS PRESENCIAIS" DENDE O LÚNS 16 DE MARZO.

REINICIO O LÚNS 30 DE MARZO, excepto que a Presidencia da Xunta de Galicia amplie o período de suspensión.

Pregamos teñades paciencia ante esta situación totalmente extraordinaria que nos afecta a todos. De momento non temos moitos datos agás que os nenos deberán permanecer nas súas casas ata nova orde.

Os docentes dos seus fillos titorizarán por medios non presenciais, telemáticos ou doutra índole que consideren oportunos.

O centro permanecerá aberto de 10 a 13 horas, únicamente para tarefas administrativas necesarias.

ACTIVIDADES EXTRAESCOLARES ANULADAS.

Informacion para as familias na paxina web do Cruz do Sar 👉🏼 AQUÍ