Réxime de axudas a centros privados concertados da Comunidad Autónoma de Galicia para atención ao alumnado con necesidades especificas de apoio educativo para o curso 2013-14

Ver o imprimir

DOG Núm. 209 Xoves, 31 de outubro de 2013 Páx. 42693
ISSN1130-9229 Depósito legal C.494-1998 http://www.xunta.es/diario-oficial-galicia
III. Outras disposicións

Consellería de Cultura, Educación e Ordenación Universitaria
ORDE do 24 de outubro de 2013 pola que se regula o réxime de axudas a
centros privados concertados da Comunidade Autónoma de Galicia para a
atención ao alumnado con necesidades específicas de apoio educativo para o
curso 2013/14.

O capítulo I do título II, relativo ao alumnado con necesidades específicas de apoio
educativo, da Lei orgánica 2/2006, do 3 de maio, de educación, establece que as administracións
educativas disporán os medios necesarios para que todo o alumnado acade o
máximo desenvolvemento persoal, intelectual, social e emocional, así como os obxectivos
establecidos con carácter xeral nesta lei. De igual maneira, especifica a igualdade de criterios
para a determinación de recursos entre os centros públicos e os centros privados
concertados.
O réxime xurídico destas axudas vén determinado pola Lei 9/2007, do 13 de xuño, de
subvencións de Galicia (Diario Oficial de Galicia núm. 121, do 13 de xuño). Tamén cómpre
ter en conta o Decreto 254/2012, do 13 de decembro, que regula a admisión do alumnado
en centros sostidos con fondos públicos (DOG núm. 245, do 26 de decembro), que garante
unha adecuada e equilibrada escolarización do alumnado con necesidades educativas especiais,
coa finalidade de asegurar a calidade educativa para todos, a cohesión social e a
igualdade de oportunidades, e o Decreto 229/2011, do 7 de decembro (DOG núm. 242, do
21 de decembro), que regula a atención á diversidade do alumnado dos centros docentes
da Comunidade Autónoma de Galicia.

Documentos oficiales: Leyes, Decretos, odenes.....

Decreto 10/2007, de 25 de enero, por el que se regula el funcionamiento de los comedores escolares en los centros docentes púlicos no universitarios de la Consellería de Educación y Ordenación Universitaria
http://www.xunta.es/doc/dog2007.nsf/fichacontenido/41EE?OPENDOCUMENT