A: TODAS AS ANPAS
FEDERADAS
ASUNTO: BANCO DE LIBROS E
AXUDAS DESTINADAS PARA SUA ADQUISICIÓN
Estimados
e estimadas amigos e amigas:
Por
esta razón moitos de vós puxestes en marcha o Banco de Libros e outros nos preguntastes como facelo. Animámosvos
a unirvos a este proxecto como iniciativa que implique a toda a Comunidade
Educativa para levala a cabo, co obxectivo de que unha cantidade de libros
poidan ser aproveitados polos nosos alumnos e alumnas e supoña un aforro para
as familias.
Isto
non significa que ante a Consellería de Educación non sigamos presionando para
recuperar a gratuidade universal no ensino obrigatorio, como sempre o fixemos,
e así o demostra o traballo de CONFAPA-GALICIA, presidida pola Federación Provincial
de ANPAS da Coruña, que no ano 1998 promove en Galicia a Iniciativa Lexislativa
Popular que levada ao Parlamento Galego é rexeitada polo Partido Popular e
posteriormente, avalada por máis de 600.000 firmas de todas as Federacións e
Confederacións do Estado, sométese á aprobación do Congreso dos Deputados sendo
rexeitada polos votos en contra do PP, CIU e PNV, pero créase unha subcomisión
para estudar a súa viabilidade. A ministra de Educación de entón, Pilar del
Castillo, anuncia no ano 2000 que é “imposible” a gratuidade dos libros de
texto.
A
pesar de todo e froito das presións e do traballo da nosa Federación e
Confederación, no ano 2003/04, Orde do 6 de xuño de 2003 (DOG 12/06/03) ponse
en marcha de forma progresiva o Programa
de Gratuidade dos Libros de Texto
en Galicia, mediante o sistema de préstamo (a proposta da nosa organización,
membro da Comisión de Seguimento que se creou aos efectos). A gratuidade para
todos continuou de maneira ininterrompida até o curso 2008/09, sendo
substituído polo sistema actual de axudas para a súa compra en función da
renda.
Seguimos
denunciando cada ano a redución orzamentaria das axudas, o limiar económico
fixado pola Consellería, privando a moitos contribuíntes do dereito a
solicitalas e pedimos reiteradamente a modificación do apartado que se refire á
presentación da declaración da renda do exercicio anterior á solicitude, porque
somos conscientes e sabedores dos cambios en moitas economías familiares,
entendendo que se deben aplicar outras medidas para demostrar cal é a situación
actual destas, ben a través do INEM ou dos Concellos, e tamén que se prorrogue
o prazo de presentación das solicitudes, tras realizar as comprobacións
mencionadas.
Para
calquera aclaración ou axuda que necesitedes, e si estades pensando en por en
marcha a reutilización dos libros,
iniciativa que consideramos moi positiva e compatible co obxetivo irrenunciable
da gratuidade para todas as familias, estamos á vosa disposición nos contactos
habituáis: 981 20 20 02 e fedapascoruna@fedapascoruna.org.
Un
saúdo cordial
Helena
Gomez Vecino
Presidenta
A
Coruña 21 de febreiro de 2013
No hay comentarios:
Publicar un comentario