Escola de NAIS E PAIS: Calendario das actividades 2º trimestre

ESCOLA DE NAIS E PAIS 2º trimestre 2012-2013		CÓDIGO DA ACTIVIDADE C1/1ª
Proxecto:  FOMENTO DA IMPLICACIÓN DA FAMILIA, ORGANIZACIÓNS E INSTITUCIÓNS DO CONTORNO ESCOLAR Localización física da actividade: Edificio Multiúsosl A Senra (Bergondo)
Obxectivo xeral:	§  Apoiar ás familias con menores do Concello de Bergondo para que poidan desenvolver adecuadamente as súas funcións educativas e de socialización.
Obxectivos operativos:	§  Propiciar un espazo de reflexión sobre situacións cotiás e de funcionamento do grupo familiar. §  Promover o coñecemento das características evolutivas e necesidades do/a neno/a e o adolescente. §  Dotar ás nais e pais de recursos e habilidades que posibiliten un crecemento integral dos menores. §  Detectar problemáticas do grupo familiar de cara a propoñer actuacións en rede en situacións individuais e/ou de grupo.
Contidos e descrición da actividade:	A Escola de Nais- Pais definirase como un espazo de formación e lugar de encontro para reflexionar en grupo sobre a tarefa educativa que se realiza cos fillos/as. A programación para este ano parte das experiencias acadadas durante o desenvolvemento da actividade durante o curso anterior. Así a programación pretende dar continuidade ao traballado en sesións anteriores dando resposta ás propias inquedanzas dos e das participantes xurdidas durante a formación. PROPOSTA DE CONTIDOS-SESIÓNS: 1.       A FAMILIA ANTE O CONSUMO DE DROGAS: §  Ferramentas de prevención §  Como afrontar o problema cos nosos fillos e fillas 2.       RESOLUCIÓN DE CONFLITOS NA FAMILIA I §  Familias e conflitos: introdución. §  Que entendemos por conflito?: o conflito como oportunidade. §  Aprendemos a analizar os conflitos: cal é o problema, o miolo; quen ten o problema, os protagonistas; que sabemos sobre o tema; existen alternativas. §  Exposición de casos prácticos e debuxo dos mapas dos conflitos formulados. 3.       RESOLUCIÓN DE CONFLITOS NA FAMILIA II §  Técnicas de resolución de conflitos §  Microtécnicas §  Elixir solucións e avalialas §  Adestramento  en técnicas a partir dos casos prácticos formulados.
Perfil dos participantes	Nais, pais e familiares a cargo de menores escolarizados no Concello de Bergondo.
Motivación, técnicas de aprendizaxe	Consideraremos o nivel cultural, o grado de interese, motivación así como o estilo de aprendizaxe dos membros do grupo. Buscaremos acadar un clima adecuado que permita a comunicación e a interacción entre os/as participantes empregando para elo instrumentos de participación a través de dinámicas de grupo.O fin último será que os e as participantes constrúan os seus propios coñecementos para poder afrontar a resolución de problemas da vida cotiá. Estratexias de motivación e aprendizaxe: §  Flexibilidade §  Técnicas de Dinámicas de grupo §  Partir das experiencias do grupo. §  Traballo práctico de habilidades e recursos. §  Deseño de plans de acción.
Calendario das actividades	DATAS: 28/02/2013: A familia ante o consumo de drogas 14/03/2013: Resolución de conflitos na familia I 21/03/2013: Resolución de conflitos na familia II Horas ao día: 1,5 horas
Proposta metodolóxica	O método de traballo na Escola de Nais-Pais aplicarase coa flexibilidade que o grupo requira co seguinte esquema secuencial metodolóxico por sesión: §  Presentación do tema a traballar. §  Análise de coñecementos e experiencias do grupo sobre o tema a traballar. Formulación de casos por parte dos/as participantes. §  Exposición do tema. §  Traballo sobre habilidades e estratexias en relación ao tema traballado. §  Posta en común das vantaxes e dificultades atopados polos membros do grupo. §  Repaso dos contidos conceptuais, procedementos e actitudes traballados.
Criterios de avaliación	Para a execución do proceso avaliativo traballaremos a partir  dun Sistema de Avaliación baseado nun SISTEMA DE INDICADORES: ·         Avaliación do/a  docente: o    Capacidade de motivación o    Coñecementos sobre os contidos da actividade o    Relación coas persoas participantes ·         Avaliación de contidos: o    Grado de interese do tema traballado o    Utilidade ·         Avaliación de actuacións: o    Nº de sesións programadas/Nº de sesións executadas o    Nº de participantes por sesión o    Nº de materiais didácticos distribuídos
Recursos humanos	§  2 técnicos do Programa de Apertura de Centros Educativos do Concello de Bergondo. §  1 Traballadora social especializada en traballo con familias. §  Técnico Municipal responsable do Departamento de Educación do Concello de Bergondo. §  Colaboradores externos segundo necesidades de especialización.
Recursos materiais	§  Ordenador portátil e canon de luz §  Materiais didácticos §  Material funxible (folios, bolígrafos) §  Material específico para dinámicas §  Carteis de difusión