Estimadas familias:
No presente mes se establece o
calendario para a celebración de eleccións de membros dos CONSELLOS ESCOLARES
de Centros, queremos engadir unha breve información á que se recibiu por parte
do/a Presidente/a da Xunta Electoral.
QUÉ É
O CONSELLO ESCOLAR ?
É un órgano colexiado de goberno e
de participación dos diferentes membros da comunidade educativa do centro. A
súa misión é asumir a responsabilidade máxima colexiada do funcionamento da
entidade escolar, para o que precisa da participación de todas as persoas
afectadas. A súa constitución é obrigatoria en todos os centros públicos -tamén nos concertados- .
COMPETENCIAS do Consello
Escolar nun Centro Público (LOE)
– Aprobar e avaliar a Programación
Xeral Anual do Centro (PXA) sen perxuizo das competencias do claustro de
profesores, con relación á planificación e organización docente;
--participar na selección do
director do centro; ser informado do nomeamento e cese dos demáis membros do
equio directivo. No seu caso, previo acordo dos seus membros, adoptado por
maioría de dous tercios, propor a revocación do nomeamento do director;
--decidir sobre a admisión do
alumnado;
--coñecer a resolución de
conflitos disciplinarios e velar porque se atinxan á normativa vixente. Cando
as medidas disciplinarias adoptadas polo director correspondan a condutas do
alumnado que prexudiquen gravemente a convivencia do centro, o Consello
Escolar, a instancia de pais, nais ou titores, poderá revisar a decisión
adoptada e propor, no seu caso, as medidas oportunas;
--propoñer medidas e iniciativas
que favorezan a convivencia no centro,a igualdade entre homes e mulleres e a
resolución pacífica de conflitos en todos os ámbitos;
--promover a conservación e
renovación das instalacións e equipo escolar e aprobar a obtención de recursos
complementarios, dacordo co establecido no artigo 122.3;
--analisar e valorar o
funcionamento xeral do centro, a evolución do rendemento escolar e os
resultados das avaliacións internas e externas nas que participe o centro.
DEREITOS que temos como
membros do Consello Escolar:
--recibir a orde do día das
reunións antes da súa celebración e toda a documentación necesaria, con tempo
suficiente, para poder elaborar as propostas ou intervencións que nos parezan
oportunas;
--participar, opinar e elaborar
propostas sobre todas as cuestións que compete resolver ao Consello Escolar
(especificadas no cap.II do título V da LOE)
--recibir un exemplar do PEC
(Proxecto Educativo do Centro) e da PXA (Programación Xeral Anual) e das súas
modificacións se as houber. Así como de todos os documentos do centro
--recibir información e opinar
sobre os libros de texto e os materiais didácticos elixidos polo claustro
--coñecer e opinar sobre os
resultados académicos e valoración dos mesmos
--utilizar as instalacións do
centro nos términos que estableza o Consello Escolar e define a normativa
vixente
--participar na elección/selección
do director ou directora e/ou propoñer a súa revocación
As ANPAS designan directamente un
representante no Consello Escolar con voz e voto e, en consecuencia, poden
cambialo sen ter que esperar á renovación do mesmo.
As nais e pais membros do Consello Escolar debemos coordinar as nosas
actuacións; deberíamos manter, sempre que fose preciso, unha reunión previa da
sesión do Consello coa xunta directiva da Anpa e plantexar todos aqueles aspectos,
suxestións e proxectos que a Anpa considere que son importantes para mellorar o
funcionamento do centro ou intervir na xestión democrática do mesmo.
Os Consellos Escolares non están
para que os representantes de nais e pais plantexemos cousas persoais, senon
para defender intereses de carácter colectivo e asumir a representación de
todos os pais e nais do Colexio.
.- A
NOSA PARTICIPACIÓN É MOI
IMPORTANTE.
.- POLO BO
FUNCIONAMENTO DO CENTRO.
.- POLA
CONSECUCIÓN DUNHA COMUNIDADE
EDUCATIVA
NA QUE
A PRESENZA DAS
FAMILIAS SEXA IMPRESCINDIBLE
.- POLO
EXERCICIO DOS NOSOS
DEREITOS...
PRESÉNTATE AO
CONSELLO ESCOLAR
VOTA AOS TEUS REPRESENTANTES
No hay comentarios:
Publicar un comentario