ANDAINA
contra a violencia de xénero
Acto de sensibilización con motivo da
conmemoración do 25 de novembro, Día
Internacional contra a Violencia de Xénero
OBXECTIVO
Con motivo da data do 25 de novembro, día internacional
contra a violencia de xénero, o Plan Coordinador de Servizos Sociais do
Consorcio As Mariñas organiza, en colaboración con todos os concellos e
asociacións, unha andaina pola ría do
Burgo, co fin de, a través dun acto deportivo, amosar o compromiso dos
veciños e veciñas dos nove concellos que o integran por erradicar a lacra
social que supón a violencia de xénero.
O acto consistirá nunha andaina, duns 7 km,
aproximadamente, rodeando a Ría do Burgo e percorrendo tres concellos: Cambre,
Culleredo e Oleiros.
FICHA
TECNICA DA ANDAINA
Día: Sábado, 24 de novembro
Horario: 09:30-10:30 recepción dos participantes
na Casa das Palmeiras, en Cambre, cada participante recollerá a súa camiseta e
unha folla informativa co percorrido e a publicidade das entidades colaboradoras.
Está previsto que participen unhas 500 persoas. Nesta mesa haberá membros da
comisión organizadora e/ou das entidades colaboradoras.
10:30 Saída da andaina dende o Paseo de Cambre, onde está a pista de fútbol, dende alí vaise polo paseo pola zona do Graxal cara ao Concello de Oleiros.
11:30
Avituallamento no Paseo de Santa Cristina, en Oleiros, onde está a Fábrica. Neste punto é
onde está previsto repartir unha bolsa a cada participante con auga, unha mazá
e unha barriña enerxética.
11:45 Posteriormente dase a volta e se continúa cara a Ponte da Pasaxe e tras cruzalo, acceder ao Paseo do Burgo, pola parte da Conservera Celta e acceder ao lado de Culleredo pola parte de abaixo, onde se fará un reagrupamento. Neste punto é onde está pensado que se unan as persosas con mobilidade reducida que queiran participar na marcha.
12:00. Punto de encontro para ás persoas con mobilidade reducida. Lugar: Paseo do Burgo- zona do Lavadoiro (ó carón do posto de aluguer de bicicletas). Neste punto, un membro da organización repartirá camisetas e a folla informativa do percorrido.
12:30
Final do
percorrido no Paseo do Burgo, en Culleredo, onde se lerá un manifesto.
Percorrido: A
andaina transcorre arredor da Ría do Burgo, un espazo onde terá unha maior
visibilidade, que nos permite facer todo o traxecto por zonas peonís, sen
interromper o tráfico, e cunha distancia, 7 km, apta para facerse sen problemas
pola maior parte da xente. Atravesa tres concellos do Consorcio As Mariñas,
Cambre, Culleredo e Oleiros, nunha zona onde se concentra moita poboación e por
un espazo onde vai moita xente a camiñar.
A única zona onde
pode haber problemas cos vehículos e na zona do Concello de Oleiros, nun corto
tramo no que as persoas participantes deberán estar atentas ás indicacións que
lles fagan os/as colaboradores/as así como a Protección Civil.
O percorrido non é
totalmente accesible polo que se habilita un 2º punto de encontro ás 12:00 no
Paseo do Burgo – zona Lavadoiro (ó carón do aluguer de bicicletas).
Participantes: poderán participar todas aquelas persoas que estean interesadas e que poidan facer o percorrido sen problemas. Está dirixido tanto e menores de idade acompañados, como persoas adultas, maiores..., polo que sería bo darlle a maior difusión posible entre a cidadanía así como entre as entidades veciñais, deportivas, culturais... de cada concello.
Inscrición: As inscricións se farán en cada concello,
recollendo únicamente o nome da persoa e o seu DNI ou NIE (polo tema do seguro
para cubrir aos participantes da proba por se hai algún percance) .
Colaboradores: haberá
un grupo de persoas colaboradoras pertencentes a distintas entidades do
territorio Consorcio, que facilitarán co seu apoio o desenvolvemento da andaina
e que darán as indicacións oportunas para que transcorra sen dificultades.
As entidades que
está previsto que colaboren no evento son o Grupo de Voluntarios do Concello de
Cambre, a Asociación de Veciños Santaia do Concello de Oleiros, a Asociación
Castelo Deporte do Concello de Culleredo e o Club de Atlestimso Sada.
A empresa Gadisa vai
colaborar no evento co contido da bolsa de avituallamento que se dará a cada un
dos participantes.
O manifesto: vaise elaborar un manifesto consensuado entre todos os
concellos co fin de leelo ao remate da andaina, así como nos plenos que se
celebren o último xoves de mes en cada un dos concellos.
No hay comentarios:
Publicar un comentario