Banco de libros del APA "As Mariñas"

PARTICIPA NO BANCO SOLIDARIO DE LIBROS DE TEXTO. BENEFÍCIASTE TÍ, BENEFICIÁMONOS TODOS !

Estimados/as alumnos e familias:

A APA As Mariñas vai continuar este ano co BANCO SOLIDARIO DE LIBROS DE TEXTO, un proxecto totalmente altruista que ten por finalidade axudar ás familias e contribuir a rebaixar o gasto que supón a compra de libros ao comezo de cada curso.

O BANCO SOLIDARIO DE LIBROS DE TEXTO consiste en crear un fondo de libros de texto de tódolos cursos e asignaturas, coa condición de que eses libros teñan vixencia no curso 2016/2017 no CPI CRUZ do SAR e que estean en bo estado. Os libros entregaranse ao Banco de xeito gratuito e definitivo, sendo a APA a que xestionará a recepción, custodia e adjudicación posterior dos mesmos por orde de solicitude.

Todo o alumnado e as súas familias poden participar entregando libros de texto de calquera curso excepto 1º e 2º de primaria. Cantos máis libros se aporten ao fondo, máis necesidades se poderán atender e maior será o número de familias beneficiadas.

Para ser beneficiario da solidariedade e xenerosidade dos demáis, é dicir, para poder optar aos libros do BANCO SOLIDARIO DE LIBROS DE TEXTO, é necesario ser doante do BANCO, aportando libros, e ser socio/a da APA, a excepción dos  alumnos de primaria (1º, 2º, 3º e 5º primaria non poden deixar libros) que só terán que ser socios e solicitar os libros.

Os alumnos podrán entregar os libros na oficina do APA os seguintes días:

-     Día 23 de xuño, dende as 11.00 h. ata as 13,00 h.

-     Día 27 de  xuño, dende as 11,00 h. ata as 13,00 h.

-     Día 8 de setembro, dende as 11.00 h. ata as 13,00 h.

-     Día 9 de setembro, dende as 11,00 h. ata as 13,00 h.