lunes, 29 de octubre de 2012

Piscina

El viernes 2 de noviembre no hay colegio.

Los padres que quieran llevar a sus hijos a la piscina pueden hacerlo. No hay bus, cada padre tiene que llevar a sus hijos por sus propios medios.

Avisar al apa, por teléfono o por correo la asistencia a la piscina.

Gracias.

Bergondo

Los escolares de Bergondo descubren los secretos de los cuerpos de emergencia

Los alumnos del centro Cruz do Sar mantienen a lo largo de esta mañana una intensa jornada con miembros de las diferentes fuerzas de seguridad

lunes, 22 de octubre de 2012

Conferencia-Coloquio 27 de Octubre CONFAPA




I XORNADA EMERXENCIAS NO CPI CRUZ DO SAR

 

    O vindeiro mércores día 24 os nosos fillos terán unha ESCOLA diferente, poderán participar nunha amplia mostra de medios e recursos para atender a situacións de emerxencias e seguridade cidadá.

     Comenzá ás 10.30 no pavillón do Colexio cunha parte teórica -impartida por profesionais-, mostra do traballo de cans policías especialmente adiestrados da Garda Civil, a posteriori ate as 13.30 horas, continuarán coa parte de carácter práctica no aparcamento de A Senra coas explicacións didácticas e coa exhibición de tódalas dotacións e medios dos que dispoñen os Organismos colaboradores para protexer e salvar ás persoas.

 

     Organismos que participan:

 

     .- Guardia Civil de Tráfico de A Coruña

     .- Patrulla da Guardia Civil Rural do Cuartel de Sada

     .- Axentes do Plan Integral de Mellora de Convivencia Escolar

     .- Servizo Cinolóxico da Guardia Civil de A Coruña

     .- Servizo de Protección da Natureza (SEPRONA)

     .- Servizo Marítimo Provincial da Guardia Civil de A Coruña

     .- Protección Civil de Bergondo

     .- Axencia Galega de Emerxencias : AXEGA

     .- Bombeiros do Consorcio Provincial de A Coruña : Betanzos

     .- Policía Local de Bergondo

 

     O obxectivo desta actividade é informar e sensibilizar ao alumnado de Primaria e Secundaria do CPI Cruz do Sar e dar a coñecer como traballan e actúan estes servizos de emerxencias diante das diferentes situacións inesperadas así como coñecer de primeira man cales son os materiais dos que dispoñen para realizar o seu labor e protexer, salvar persoas e garantizar a seguridade dos cidadáns. Ao mesmo tempo obter o recoñecimento merecido por parte da Comunidade Educativa a ese traballo e dedicación esencial para a nosa seguridade e tranquilidade.

     Queremos amosar o noso agredecimento pola colaboración e esforzo dos Organismos e Corpos de Emerxencias colaboradores nesta I Xornada, que sen o seu esforzo voluntario sería imposible a realización deste evento tan lúdico como didáctico para os nosos fillos e fillas, asemade aos mestres e equipo directivo do Colexio e ao Concello de Bergondo que nos está facilitando a ubicación idónea para conseguir que esta I Xornada de Emerxencias sexa un éxito.

     Atentamente,

     Xunta directiva APA AS MARIÑAS       


       
 

        

Exhibición de emergencias


martes, 16 de octubre de 2012


CONFAPA-GALICIA SECUNDA A INICIATIVA DE CEAPA DE SUMARSE

Á FOLGA CONVOCADA POLO SINDICATO DE ESTUDANTES PARA CONVERTILA NUNHA ACTUACIÓN CONXUNTA DO ALUMNADO E AS FAMILIAS


Entre outras cousas, CONFAPA-GALICIA convoca á folga para as nais e os pais para o xoves día 18 de outubro.


CONFAPA-GALICIA considera que a gravísima situación actual demanda unha resposta contundente do alumnado e as súas familias. Estamos ante un ataque sen precedentes aos dereitos do alumnado e das familias, con salvaxes recortes na educación pública que, no contexto actual, vense agravados pola coincidencia con outras medidas igualmente inaceptables.

Iniciamos un curso escolar que supera con creces os peores pronósticos; pensamos que chegou o momento de que o alumnado e as familias, ademáis de seguir a realizar movilizacións conxuntas co resto da Comunidade Educativa, eleven a súa voz para dicirlle ao Goberno Central e ao goberno de Feijoo que está a seguir o seu camiño, que temos chegado a un punto de non retorno, que non estamos dispostos a tolerar nin unha soa medida máis.

 

Alumnos e pais estamos soportando recortes en todas as partidas, que non fan outra cousa que castigar as xa maltreitas economías familiares, abocando ao abandono educativo a moitos rapaces e rapazas por cuestións económicas. É intolerable e debemos cambiar radicalmente as medidas que se están a tomar.

Sobran os motivos, mais queremos subliñar especialmente que o alumnado e as familias movilizarémonos conxuntamente porque:

 

--Non aceptamos un novo cambio de Lei educativa. A sociedade está xa cansa de que cada novo Goberno se empecine en modificar a lexislación educativa, máxime se, como está a ocorrer agora, faise sen contar cos diferentes sectores buscando cambiar o actual modelo social e satisfacer consignas ideolóxicas.

 

--Non aceptamos mentiras para xustificar unha reforma do sistema educativo, terxiversando datos e facendo xuízos de valor que non están baseados en datos  contrastados.

 

--Non aceptamos o desmantelamento da educación pública para beneficio exclusivo da iniciativa privada, desviando os fondos públicos para financiar empresas privadas da educación, moitas de dubidosa legalidade que, incluso, atrévense a vulnerar a Constitución coa connivencia de quen deberían cumprir e facer cumprir o marco legal vixente.

 

--Non aceptamos que se eliminen todo tipo de axudas ao alumnado e ás familias, se incrementen as cotas e as taxas  -aínda máis, creándoas onde non existían- , incumplindo o mandato constitucional da gratuidade do ensino e o dereito de acceso en igualdade de condicións.
 

--Non aceptamos que que os irresponsables políticos que nos gobernan sigan a insultar ao profesorado que ensina aos nosos fillos e fillas, profesorado que goza do respaldo das familias e do alumnado co que conviven a cotío, nun ataque sen precedentes contra a figura do funcionario público e dos interinos, aos que se trata en ámbolos dous casos como se fosen bonecos de feira, co único obxectivo de poñer a educación en mans da empresa privada e, con iso, de precarizar a profesión docente.

 

En definitiva, alumnos e familias dicimos: ATA AQUÍ CHEGAMOS e esiximos,

 

--O cese fulminante do Ministro Wert e de todo o seu equipo

--A retirada inmediata do inaceptable anteproxecto de reforma da LOE

--A paralización inmediata de todas as medidas de recorte e desmantelamento do ensino

  público

--A apertura, cun novo equipo ministerial, dun proceso real de diálogo cos diferentes sectores da Comunidade Educativa para buscar entre todos o consenso preciso para mellorar, de verdade, o ensino público.

 

FACEMOS UN CHAMAMENTO ÁS FAMILIAS para que realicen o día 18 de outubro unha folga de nais e pais, consistente en deixar baleiros todos os centros educativos para defender os dereitos dos nosos nenos e as nosas nenas.

 

Asemade, pedímosvos que facilitedes a posibilidade de que, sós ou coa vosa compaña segundo as idades e maduración dos vosos fillos, poidan estes participar nas manifestacións de estudantes a celebrar na mañán do día 17 e, todos xuntos, facelo tamén nas que se levarán a cabo na tarde do día 18 nas distintas vilas e cidades de Galiza. Do mesmo xeito, pedimos que formedes parte das Asembleas que se convoquen e dos piquetes informativos que se realicen.

 

Chegou o momento de dar unha mensaxe clara sobre que as cousas teñen chegado a un punto onde nunca tiveron que facelo. Non estamos dispostos a que sigan por ese camiño.


 

                                                                                  CONFAPA-GALICIA