Axudas Xenéricas e Prestamo de Libros de Texto Concello de Bergondo curso 2014-15

  

Terceiro prazo da Convocatoria dos programas de

Axudas Xenéricas e Préstamo de Libros de Texto

do Concello de Bergondo durante o curso escolar 2014-2015

O Concello de Bergondo, a través do Programa de axudas xenéricas (para 1.º e 2.º de Educación Primaria) e do Programa de préstamo de libros de texto (para 3.º, 4.º, 5.º 6.º de Educación Primaria, 1.º, 2.º, 3.º, e 4.º de Educación Secundaria), ten como obxectivo colaborar coas familias do municipio no esforzo económico que o comezo do curso ocasiona.

 

De estar interesado/a en participar nestes programas recordamos que, se abre un novo prazo para realizar a solicitude que estará aberto dende o 22, 23 e 24 de setembro, ambos inclusive.

 

As solicitudes realizaranse, segundo o modelo oficial debidamente cumprimentado, na Casa da Cultura, polos pais, nais ou representantes legais do/a alumno/a en horario de 9.00 a 14.00 horas.

 

As axudas concederanse ata esgotar o crédito da partida. Se fose o caso, estudarase a forma de que sexan beneficiarios todos os solicitantes na mesma medida.

 

 

 

 

Convocatoria excepcional de axudas para a escolarización de menores do Concello de Bergondo 2014-2015

 

A Concellería de Benestar Social convocou en xullo e agosto as axudas para a escolarización de menores en familias con escasos recursos, que contempla a subvención de libros e/ou parte do material escolar, para o curso 2014- 2015, a familias que se atopen nunhas condicións económicas e sociais desfavorables do termo municipal de Bergondo.

 

Despois de detectar que numerosas familias non tiveron constancia das convocatorias anteriores e, dado que existe crédito na partida orzamentaria, ábrese un prazo excepcional de solicitude có obxecto de non prexudicar economicamente as anteditas unidades familiares.

 

Neste caso, as familias beneficiarias deberán tramitar a correspondente solicitude no Departamento de Servizos Sociais municipais, os días 22, 23 e 24 de setembro do 2014,  en horario de 09.00 a 14.00h.

 

Para máis información sobre os requisitos de acceso e a documentación que deberán achegar xunto coa solicitude, as persoas interesadas poden dirixirse ao Departamento de Servizos Sociais, no teléfono 981 791 252 Ext.3 ou na páxina web www.bergondo.es